| 究竟乜野係愛情??
唔知點解我冇拍過拖但就有好多朋友仔都會搵我傾佢地既愛情問題~!
早幾日同左個朋友仔傾計，講起佢既愛情煩惱......講講下令我諗起係幾年前我都有一個我好愛好愛既男人，我明知同佢係無可能但愛情係盲目嫁...明知佢已經有鍾意既人係都要"盅"個頭埋去令自己受傷...當佢要返夜我就會特登留到夜一夜都唔走陪佢返夜...當佢有心事唔開心我就會又心痛又唔開心...當佢開心笑既時候我就比佢笑得更開心...當我知道佢追緊第二個女仔既時候我只能夠支持佢替佢加油...見到佢幸福我就會有一種我都好幸福既感覺....!!^/./^可惜到最後受傷既都只會係自己.......
雖然事情都過左咁耐，但係呢件事就永遠刻左係我心裡面.....
身邊既長輩,朋友都問我做咩唔拍拖丫??如果我仲係十八十九歲既我，我會唔理自己有幾肥幾樣衰我都會主動出擊.....過左十九歲後已經唔再恨拍拖lu....順其自然嘛.....再係我認識主之後我交晒所有既野比佢等佢幫我安排個伴侶比我...我相信神既眼光比我地任何一個人好....所以我已經唔再諗lu!!不過近期身邊有個朋友仔想做雞仔媒人:p不過我唔會爆你出黎既....睇到既自己知啦!!呵呵!!
你呀~雞仔媒人!!你都要埋下個男仔既感受嫁嘛...如果對方有心儀既人(可能係你)咁點算呢??所以呢你唔好再咁曳曳啦...!!乖乖地啦!!呵呵呵!!
|
| |
| 點解?點解?點解呀!!! 人工唔加唔緊要呀~但係你地都要話我知我有咩做得唔好丫!!冇啦啦用莫須有加罪於我對我好唔公平囉~我認今年我做得唔夠好~你地學費收唔足,但係我都有盡過力嫁...無功都有勞丫~我已經貼錢打工嫁啦!!你地仲想點呀!!我唔係介意你地唔加比我丫~而家我想要既係我既尊嚴丫~ 拖左成半個月唔同我傾,問你地點又唔答,有份工放係我面前可以去見工,一句no唔比請假~冇人返~咁我就白白冇左個機會啦~雖然個邊唔一定請我,但係我見既機會都冇埋囉!!年年傾親約都咁巧合有事發生....都唔係人為定係巧合囉....我有咩做得唔好你咪講囉....加唔加對我黎講唔係問題....而係點解你地可以咁對我....我係唔夠另外兩位同事靚女....但工作上我都唔係差呀....點解要咁對我呢??
我喊唔係因為你地唔加人工比我而係你係好冇誠意同我傾囉...唔好成日睇死我搵唔到工...我返黎係因為你地係我好需要人幫既時間你地幫左我...呢一年你地話過會請人幫手會比電腦我用...最後呢??無一樣野做得到...我仲要自己帶電腦帶文具返黎做野...我諗呢個世界都冇幾個會係咁囉...如果咁樣你地都覺得唔好...咁樣對公司黎講我真係可有可無囉!!
我曾經對你地好有期望...覺得你地唔係咁既人...只係比某D野蒙蔽左你地...朋友話我諗得太好啦...我真係唔知係唔係我諗得太好呢??
琴晚我JACKY同我講話有個唔係幾好既消息話我知....我都知知地...不過我真係好唔開心...我同JACKY講我唔開心唔係因為個$500蚊係因為佢地由頭到尾都好冇誠意同我傾丫....JACKY不斷同你地講好說話...但我好明白呢D公司既決定丫嘛...算啦.....
係訓覺覺豬之前我祈禱....求神帶走我既憤怒...第二日訓醒我個心好平靜...好似件事無發生過咁...感謝主帶走左我既憤怒...無比我錯落去....!!但係要我饒恕我真係未做得到....但我相信我一定可以放開心饒恕別人的!!
|
| |
| 唔覺唔覺又過左成個月啦，時間真係過得好快一年已經過左一半啦......而家返教會都穩定左....係團契入面雖然唔係同個個都好熟但係大家都好好人......因為大家都係主內既弟兄姊妹^^
工作令我真係好麻木......好煩......唔知點咁......一份合約姐都唔明點解搞咁耐.....傾就一個字唔傾就兩個字.....又唔比我見工又唔同我傾.....咁你地想點呢??好煩好煩...///我都知煩黎都無用.....還是交給主為我決定一切吧!!
而家一個星期就返三晚兼職....感覺沒有浪費時間.....又有得賺錢.....太好囉!!^^
上上個星期日開始打羽毛球...好耐無做過運動...做完個感覺真係好正...晚上再游水...真係人都癲丫!!
做完運動訓覺覺豬真係好訓左好多~正!!keep 住落去..... yeah!!
做左幾日運動個"羅"細左小小....肉眼是看不出的.....!!嘻嘻^++^
今天又收十點了@@.......心很累!!
|
| |
| 2009/3/30 - 2009/4/22
呢排真係都幾多野做下，3月尾4月頭就係咁打比d學生叫佢地交學費攞準考證，係呢D時候就會出一D退左學既學生打電話返黎話要準考證=.=" 唔好玩啦~退左學無交學費點比你用學校名義出去會考呢??你入學既時候我一早就講左嫁啦....唔交齊無得會考.....講左比你地聽又唔信.....退左學又返黎發脾氣....真係吹到啤一聲囉!!
呢幾日唔知做咩~又開始有個種心緒不寧既感覺出現.....可能OT多左.....差唔多成個星期無返HOME食飯....個心有D頹掛~好想喊...但唔知為咩喊...可能呢個係我發泄情緒既方法啦^^(冇啦啦喊想嚇人咩=.=")....
總結:呢段時間有開心~唔開心~辛苦~不安等等不過呢d時間好快過去嫁啦~我相信我可以頂得住!!
|
| |
| 2009/3/29 (星期日) - 意想不到的佈道會^^
今日實在令我感到神既恩典，點解我會咁大感觸呢?事源係咁既......
話說今日一早就約左兩位好姐妹wendy & avis 去聽一個見證佈道會，咁avis一早就約左我下午4:30係大埔既吉之島到等.....但大頭蝦既我當左係約左下午5:30.....當我係4點15分打返比avis既時候我先知道係下午4:30@@個佈道會就係5點開始但我當時仲處於係沙田最快都要7-8個字先入到去!!當時我同亞妹就坐緊88k返屋企咁我一收到電話就落車剛剛好個個站就停左係大圍火車站，咁就即時落車啦咁一上到火車月台就有火車黎到，入到去仲有位坐丫....感謝主知道我辛苦比個位我坐低休息，一到大埔墟火車站我就即刻就去搵k12坐啦，係呢個時候就搵唔到間車囉@@咁見到有間k12停左係一邊咁我就以後係個邊排隊啦...點知原來唔係個條隊...望向旁邊既後面，原來個邊先係k12咁我一行過去上車之後好快就開車，一路上都好順利D燈大多數都係綠燈既....所以好快就到啦!!我一去到就見到AVIS佢都話你咁快既睇下個時間係下午4:50分到十分感恩，因為主你用最快既時間帶領我去到會見兩位姊妹。之後就勞煩wendy帶我地到會堂聽呢個佈道會......
今次分享見證既梁藝玲小姐，佢之前係一個藝員黎既^^一路聽到佢同神既經歷令我深深感到神與我們係同在嫁.....係分享完呢個見證之後.....又一個意想不到既驚喜出現係我到......聽完之後我就望向右手邊既wendy突然後面有人叫我亞蚊.....我一望原來係雅芝丫......好開心係佈道會上見到佢.....因為有幾年係hk我地都冇聯絡.....想搵又冇佢既電話.....所以個心想搵但係就冇辦法.....今次神又一次安排左一個驚喜比我.....十分感恩.....!!
完左佈道會之後我地就一齊上左wendy屋企到食飯.....今次有wendy親手整既pizza同通粉仲有沙拉丫^^~今晚我地分享左好多野....好開心.....到左十點幾我地就返屋企啦.....今日真係好開心.....我地要一路keep住落去!!^^
|
| |
